Memleket basshysy jyl qorytyndysy boıynsha otandyq medıa ókilderine suhbat berdi. Kezdesýde «EKSPO-2017» kórmesi men onyń el ekonomıkasyna qalaı áser etkendigi sóz bolyp, eńbek mıgrasııasy, «jasyl» ekonomıka, «Sıfrly Qazaqstan», «Qazaqstandaǵy 100 jańa esim» jobalarynyń mán-mańyzy aıtyldy. Sonymen birge Reseıde ótetin saılaýdyń Qazaqstanǵa yqpaly týrasynda qoıylǵan saýalǵa jaýap bergen el Prezıdenti Nursultan Nazarbaev Reseıdiń saýda-ekonomıkalyq maqsattaǵy jaqyn kórshisi ekendigine toqtaldy.
«Reseı bizdiń jaqyn kórshimiz ári ekonomıkalyq baılanystar turǵysynan áriptesimiz. Ortaq tarıhymyz bar. Sondyqtan bolashaqta da jaqyn bola túsemiz, jekeleı qatynastarda ózara keńes alysyp-berisemiz. Ortaq suraqtardy sheshýde ortaq tapsyrmalar bar. Saılaýda Vladımır Pýtınge tabys tileımin ári osy saılaýdyń favorıti dep oılaımyn. Qyspaq ústindegi Reseı úshin bul durys ta. Memleket qaıratkeri ári el prezıdenti retinde Pýtın halqyn alǵa tartyp keledi», dedi Nursultan Nazarbaev jýrnalısterge bergen suhbatynda.